Innlent

Kærði Steingrím fyrir meinsæri

Steingrímur Wernersson.
Steingrímur Wernersson.
Einn af stjórnendum Milestone kærði Steingrím Wernersson, sem átti 40% hlut í fyrirtækinu, til lögreglu í nóvember síðastliðnum fyrir rangar sakargiftir og meinsæri í yfirheyrslum hjá sérstökum saksóknara síðasta sumar. Þetta kom fram í Kastljósi í kvöld en ekki var greint frá nafni viðkomandi.

Undanfarið hefur verið fjallað í fréttum um yfirheyrslur sérstaks saksóknara yfir helstu stjórnendum og eigendum Sjóvá og Milestone. Þeir eru grunaðir um fjárdrátt, umboðssvik og hafa misnotað bótasjóð Sjóvá. Í yfirheyrslunum bar Steingrímur margvíslegar sakir á fyrrverandi samstarfsmenn sína. Sakir sem einn þeirra hefur nú kært.

Í umfjöllun Kastljóss í kvöld kom einnig fram að nokkrir starfsmenn Milestone skrifuðu undir sameiginlega yfirlýsingu til sérstaks saksóknara þar sem framburði Steingríms var mótmælt.


Tengdar fréttir

Gaf skýrslu tveimur dögum fyrir húsleitirnar

Steingrímur Wernersson, gjarnan kenndur við Milestone, fór að eigin frumkvæði til sérstaks saksóknara og gaf skýrslu í máli fyrirtækisins tveimur dögum áður en fram fóru húsleitir hjá Sjóvá og Milestone í júlí 2009. Steingrímur sagðist ekki hafa neitt að fela þar sem hann hefði verið plataður. Þetta kom fram í Kastljósi í kvöld þar sem fjallað var um rannsóknina á Milestone og vitnað í afrit af yfirheyrslum yfir stjórnendum Sjóvá og Milestone.

Mest lesið


Fleiri fréttir

Sjá meira


×

Mest lesið