Innlent

Óvissustigi lýst yfir

Frá fundi vísindamannaráðs almannavarna í hádeginu.
Frá fundi vísindamannaráðs almannavarna í hádeginu.

Vegna aukinnar virkni í Eyjafjallajökli hafa almannavarnir ákveðið að virkja viðbragðsáætlun á fyrsta háskastigi, svokölluðu óvissustigi, sem einkennist af atburðarás sem er hafin og ætla má að geti leitt til þess að öryggi fólks og/eða byggðar sé stefnt í hættu. Þetta kemur fram í tilkynningu frá almannavarnadeild ríkislögreglustjóra. Vísindamannaráð almannavarna fundaði um málið í hádeginu.

Ekkert lát er á skjálftahrinunni í jöklinum, sem staðið hefur í hálfan annan sólarhring, og er skjálftatíðnin sú mesta sem mælst hefur til þessa.

Fram kemur í tilkynningunni að stærstu skjálftarnir hafa verið að stærðinni 2 til 3 á Richter. Flestir hafa þeir verið á 7 til 10 kílómetra dýpi. 

Athuganir, rannsóknir, vöktun og mat almannavarna hefur verið aukið og samráð milli almannavarna og þeirra stofnana sem málið varðar hefur einnig verið aukið.




Tengdar fréttir

Ekkert lát á skjálftahrinunni

Mælir við rætur Eyjafjallsjökuls í landi Þorvaldseyrar, sýnir að land hefur hækkað um fimm sentímetra frá áramótum. Ekkert lát er á skjálftahrinunni í jöklinum, sem staðið hefur í hálfan annan sólarhring, og er skjálftatíðnin sú mesta sem mælst hefur til þessa. Viðbragðshópar Almannavarna sitja nú á fundi um málið.

Enn skelfur undir Eyjafjallajökli

Jarðskjálfti upp á rúmlega þrjá á Richter varð undir Eyjafjallajökli á sjöunda tímanum í morgun, en hingað til hafa skjálftarnir verið undir tveimur á Richter í skjálftahrinunni sem staðið hefur í rúman sólarhring. Tíðni skjálftanna er sú mesta sem mælst hefur á þessum slóðum.

Mest lesið


Fleiri fréttir

Sjá meira


×

Mest lesið