Patrick Vieira á leið í bann - kærður fyrir aganefndina

Patrick Vieira hjá Manchester City er væntanlega á leiðinni í þriggja leikja bann fyrir að sparka í Glenn Whelan hjá Stoke í leik liðanna íensku úrvalsdeildinni í vikunni.

Dómarinn missti af atvikinu en aganefnd enska knattspyrnusambandsins ætlar að taka málið fyrir á fundi sínum. Patrick Vieira á sér ekki mikla málsvörn en hann kemur fyrir nefndina á föstudaginn.

Þetta verður ekki í fyrsta sinn sem Patrick Vieira kemur fyrir aganefndina en hann hefur jafnan látið finna vel fyrir sér á vellinum. Viera mun að öllum líkindum missa af Liverpool-leiknum um næstu helgi, bikarleik á móti Stoke og svo deildarleik á móti Chelsea.

Patrick Vieira hefur fengið sextán rauð spjöld á ferlinum þar af tíu þeirra þegar hann lék með Arsenal á árunum áður.