Erilsöm nótt í borginni

Nóttin var erilsöm hjá lögreglunni á höfuðborgarsvæðinu. Mikið af fólki skemmti sér í miðborginni og talsvert var um pústra og ósætti. Að sögn lögreglu endaði það þó giftusamlega og enginn alvarleg meiðsl hlutust af. Þá gistu fáir fangageymslur lögreglunnar.

Lögreglan sér svo fram á erilsaman dag enda mikið um að vera á menningarnóttu. Fólk er kvatt til þess að nýta sér almenningssamgöngur og leggja bifreiðum sínum í löglegum stæðum.

Á Selfossi stöðvaði lögreglan einn ökumann sem grunaður er um að hafa ekið undir áhrifum áfengis.

Ökumaður velti bíl sínum á Mosfellsheiði í nágrenni við afleggjarann að Grafningi um klukkan átta í morgun. Bílstjórann sakaði ekki en bílinn var óökufær eftir veltuna.