Glazer-fjölskyldan ætlar ekki að selja

Stuðningsmenn Man. Utd hafa ekki farið leynt með hatur sitt á eigendum félagsins, Glazer-fjölskyldunni. Skal svo sem engan undra þar sem Ameríkanarnir hafa skuldsett félagið allhressilega.

Stöðug mótmæli eru á leikjum félagsins og stuðningsmennirnir vilja sjá Glazerana hverfa frá félaginu og það sem fyrst.

Í gær bárust fréttir af því að Glazer-fjölskyldan væri að íhuga að selja félagið og hefði skipulagt viðræður við hugsanlega kaupendur. Ríkir íbúar í Manchester höfðu meðal annars lýst yfir áhuga sínum á að kaupa félagið.

Í dag berast aftur á móti þau tíðindi að Glazer-fjölskyldan hafi síður en svo í hyggju að selja félagið.

Talsmaður fjölskyldunnar sagði einfaldlega að félagið sé ekki til sölu.