Cole: Líf mitt er ónýtt

Ashley Cole rauf loks þögnina um hjónaband sitt í gær er hann hitti blaðamann slúðurblaðsins The Sun. Leyndi sér ekki að þar fór maður í vandræðum.

„Líf mitt er ónýtt. Heitasta helvíti, líf mitt er ónýtt. Ég vil bara fá að vera í friði, það hefur allt farið til fjandans," sagði Cole með tárin í augunum fyrir utan endurhæfingarstöðina í Frakklandi þar sem hann er þessa dagana.

Blaðamaðurinn segir að Cole líti illa út. Hafi ekki rakað sig í langan tíma og sé búinn að taka niður giftingarhringinn sinn.

Hann er sagður gera allt sem hann getur til þess að bjarga hjónabandi sínu þessa dagana. Að því er fram kemur í dag fær hann 15 mínútur með eiginkonu sinni sem hefur þegar sótt um skilnað.

Hvort þessar 15 mínútur muni bjarga einhverju kemur í ljós síðar.

Cheryl Cole hefur hingað til neitað að tala við Ashley og fór fram á skilnað í sms-i.