Stofnfundur Lista Grindvíkinga

Stofnfundur Lista Grindvíkinga verður annað kvöld, miðvikudaginn 17.febrúar, á Sjómannastofunni Vör. Að stofnuninni stendur breiður hópur fólks sem vill vinna faglega og lýðræðislega að málefnum bæjarins, að fram kemur í tilkynningu.

Mikið hefur gengið á í bæjarpólitíkinni í Grindavík á yfirstandandi kjörtímabili og til að mynda fjórir meirihlutar verið myndaðir.

„Allir Grindvíkingar sem hafa áhuga á að taka þátt í stofnun og starfi félagsins eru hvattir til að mæta. Við viljum að sem flestir bæjarbúar komi og kynni sér hvernig listinn mun móta stefnuskrána og starfið fyrir komandi bæjarstjórnarkosningar þann 29. maí," segir í tilkynningunni.

Dagskrá fundarins:

1. Kynning á undirbúningi

2. Kosning fundarstjóra og ritara

3. Málefnavinnan kynnt

4. Lög félagsins borin upp til samþykktar

5. Kosning bráðabirgðastjórnar

Fundurinn annað kvöld hefst klukkan 20:00.