Starfshópur um aukinn hlut kvenna í sveitarstjórnum fundaði

Starfshópur sem samgönguráðherra skipaði nýverið sem leggja á fram tillögur um aðgerðir stjórnvalda til að jafna betur stöðu kynjanna í sveitarstjórnum kom næstu sveitarstjórnarkosningar kom saman til fyrsta fundar í dag.

Starfshópnum er ætlað að skila tillögum til ráðherra fyrir 1. júlí 2009 um þær aðgerðir eða leiðir sem starfshópurinn telur koma til greina að farnar verði til að ná ofangreindum markmiðum. Skoða ber sérstaklega þörf fyrir aðgerðir í minni sveitarfélögum. Í framhaldinu mun ráðherra ákveða frekari aðgerðir.

Á vef samgönguráðuneytisins segir að þrátt fyrir að hlutfall kvenna í sveitarstjórnum hafi aukist mikið síðustu áratugina halli enn verulega á konur. Við síðustu sveitarstjórnarkosningar 2006 voru kjörnar 189 konur í sveitarstjórnir, eða 36% og karlar 340 eða 64%. Í fimm sveitarfélögum var engin kona kjörin í sveitarstjórn. Konur voru hins vegar í meirihluta í 11 sveitarstjórnum eftir kosningarnar, en höfðu verið í meirihluta í 10 sveitarfélögum á fyrra kjörtímabili.