Leik Fram og Grindavíkur frestað

Mótanefnd Knattspyrnusambands Íslands hefur orðið við beiðni knattspyrnudeildar Grindavíkur og frestað leik liðsins gegn Fram sem átti að fara fram annað kvöld.

Fram kemur í tilkynningu frá KSÍ að frestun á þessum leik muni hafa áhrif á leiki annara. Leikjum einhverra liða þurfi að breyta svo hægt verði að koma þessum leik fyrir. Ákvörðun um hvenær leikurinn muni fara fram verður tekin síðar í dag.

Í síðustu viku var leik Grindavíkur og ÍBV frestað til 2. september en hann átti að fara fram á sunnudaginn síðastliðinn.

Um leið var leiknum við Fram sem átti að fara fram í kvöld, miðvikudag, frestað til fimmtudagsins. Honum hefur því aftur verið frestað.