Öllu starfsfólki Alþjóðahússins sagt upp

Framtíð Alþjóðahúss er í uppnámi eftir að öllum starfsmönnum var sagt upp í gær. Fjarhagsstaðan er það slæm ekki náðist að greiða starfsmönnum laun nú um mánaðarmótin. Frá þessu var greint í kvöldfréttum Ríkisútvarpsins.

Katla Þorsteinsdóttir, stjórnarformaður, rekur ástæðuna til vanefnda Reykjavíkurborgar en Anna Kristinsdóttir, mannréttindastjóri borgarinnar, segir ástæðuna vera vanskil Alþjóðahússins á ársreikningum.

14 starfsmenn starfa í Alþjóðahúsinu. Þeir sinna margvíslegum verkefnum við að þjónusta útlendinga sem búa hér á landi.