Barnafjölskyldur fá aukagreiðslur

Tekjulágir foreldrar, sem fá fulla fjárhagsaðstoð frá Reykjavíkurborg, fá greiddar 6000 krónur aukalega í desember með hverju barni sem á hjá þeim lögheimili. Tillaga þess efnis var samþykkt í velferðarráði Reykjavíkur í dag.

Um er að ræða sérstaka greiðslu á árinu 2009 sem kemur til viðbótar desemberuppbót, að fram kemur í tilkynningu frá Reykjavíkurborg. Að sögn Jórunnar Frímannsdóttur, formanns velferðarráðs, er markmiðið að koma til móts við tekjulága einstaklinga og fjölskyldur með börn á framfæri. „Reykjavíkurborg stendur vörð um þjónustu við börn og velferð og mikilvægt er að foreldrar sem á því þurfa að halda fái aukinn stuðning nú fyrir jólin."