Skvettu málningu á hús Rannveigar Rist

Skemmdarvargar skvettu málningu á hús Rannveigar Rist, forstjóra Alcans á Íslandi, en verknaðarins varð vart í morgun. Skemmdarvargar virðast herja á heimili stjórnenda í stóriðjufyrirtækja þessa dagana því að fyrir rúmri viku var málningu skvett á hús Friðriks Sophussonar, forstjóra Landsvirkjunar.

Eftir að það var gert var send yfirlýsing undir yfirskriftinni „Við viljum líf okkar til baka. Frelsi okkar. byggðirnar okkar." Þar sagði að í nafni peninga og valds hafi Landsvirkjun markvisst eyðilagt íslenskar byggðir.