Ræstingarfólk verðmætara en bankamenn

Ræstingarfólk á spítölum eru samfélaginu verðmætari en bankamenn. Þetta leiðir ný rannsókn frá fyrirtækinu New Econmics Foundations í ljós.

Í skýrslu sem rannsóknin birtist í er ekki velt upp þeirri spurningu hve há laun er sanngjarnt að greiða fyrir tiltekin störf heldur er metið hvaða verðmæti störfin skapi. Í skýrslunni kemur meðal annars fram að fyrir störf ræstingarfólks verða til tíu pund fyrir hvert pund sem það þénar. Fyrir störf hálaunaðs bankamanns eyðast hins vegar sjö pund fyrir hvert pund sem hann vinnur sér inn. Endurskoðendur eru samfélaginu jafnvel dýrari.

Fyrir hvert pund sem þeir vinna sér inn tapast 47. Breska blaðið Telegraph greinir frá rannsókninni.