Guðbjartur kjörinn nýr forseti Alþingis

4. febrúar 2009 14:20

Guðbjartur Hannesson er nýr forseti Alþingis.

Guðbjartur Hannesson, þingmaður Samfylkingarinnar, var kjörinn nýr forseti Alþingis í dag. Hart var deilt í aðdraganda forsetakjörsins og bornar voru fram tvær tillögur. Önnur um Guðbjart og hin Sturlu Böðvarsson, fyrrverandi forseta.

Guðbjartur hafði betur og hlaut 35 atkvæði á móti 25 atvæðum greiddum Sturlu. Einn atkvæðaseðill var auður.

Kjartan Ólafsson, þingmaður Sjálfstæðisflokksins, var kjörinn fyrsti varaforseti.

Aðrir varaforsetar eru; Þurríður Backman, Ragnheiður Ríkarðsdóttir, Einar Már Sigurðarson, Guðfinna S. Bjarnadóttir og Kristinn H. Gunnarsson.

Guðbjartur var kjörinn á Alþingi fyrir Samfylkinguna vorið 2007, en hann er oddviti flokksins í Norðvesturkjördæmi. Frá því að hann settist á þing hefur hann gegnt formennsku í félags- og tryggingamálanefnd. Guðbjartur var skólastjóri Grundaskóla á Akranesi á árunum 1981 til 2007 og þá sat hann í bæjarstjórn Akraness 1986 til 1998.

Tengdar fréttir

Sturlu komið frá í boði Framsóknar

Þorgerður Katrín Gunnarsdóttir, varaformaður Sjálfstæðisflokksins, segir að Sturla Böðvarsson, sem lætur af störfum sem forseti Alþingis í dag, hafi styrkt og aukið vægi þingsins. Til stendur að Guðbjartur Hannesson, þingmaður Samfylkingarinnar, verði kjörinn forseti í hans stað.

4. febrúar 2009 13:49

Allir flokkar fái nefndarformann

Undanfarna daga hefur verið rætt um að allir flokkar á Alþingi skipti með sér formennsku í fastanefndum þingsins. Fulltrúar ríkisstjórnarflokkanna eru meðal þeirra sem talað hafa fyrir tillögunni. Framsóknarflokkurinn hyggst ekki taka að sér nefndarformennsku nema aðrir flokkar geri slíkt hið sama.

4. febrúar 2009 11:33

Þing kemur saman

Alþingi kemur saman eftir hádegi í fyrsta skipti eftir að ný ríkisstjórn Jóhönnu Sigurðardóttur var mynduð. Umtalverðar breytingar verða gerðar á nefndarskipan og nýir formenn fastanefnda kjörnir. Þá er ráðgert að þingmenn kjósi nýjan forseta í stað Sturlu Böðvarsson. Þingfundur hefst klukkan hálf tvö.

4. febrúar 2009 09:37

Mest lesið

Fleiri fréttir