Afmæli fyrir hunda og menn

dýrahald Hundaræktarfélag Íslands á fjörutíu ára afmæli um þessar mundir og var blásið til afmælisveislu fyrir dýr og menn í tilefni af því í gær. Veislan var haldin í reiðhöll Fáks í Víðidal og var höllin full af hundum af öllum stærðum og gerðum.

Meðal þess sem í boði var á afmælinu í gær voru fyrirlestrar, tískusýning á hundafatnaði og kynningar á sérþjálfuðum hundum, til dæmis lögreglu- og björgunarhundum. Þá brugðu hundar á leik með eigendum sínum, til að mynda dansaði íslenskur fjárhundur við eiganda sinn og boxerhundur fór í boltaleik við sinn eiganda. - þeb