Fyrsti leikur Gunnleifs verður gegn HK

FH mun mæta HK í æfingaleik nú um helgina og verður því fyrsti leikur Gunnleifs Gunnleifsson með FH-ingum gegn sínu gömlu félögum úr HK.

Gunnleifur gekk í raðir FH nú í haust en Gunnleifur er uppalinn HK-ingur og lék með félaginu frá 2002. Alls lék hann á þeim tíma 176 leiki með HK í þremur deildum sem og bikarkeppninni og skoraði meira að segja eitt mark.

„Ég ætlaði varla að trúa þessu þegar Heimir (Guðjónsson, þjálfari FH) hringdi í mig og lét mig vita af þessum leik," sagði Gunnleifur. „Þetta er fínt, það verður gaman að byrja á móti HK."

Gunnleifur hefur þó enn ekki mætt á æfingu með FH enda byrja æfingar ekki fyrr en 8. nóvember næstkomandi.

„Þetta verður þó fínt að fá þennan leik, sérstaklega fyrir þá FH-inga sem fara með landsliðinu til Íran og Lúxemborgar í næsta mánuði."