Ástandið að batna í Zimbabwe

Morgan Tswangirai forsætisráðherra Zimbabwes segir að ástandið í mannréttindamálum hafi skánað mikið síðan flokkur hans myndaði þjóðstjórn með Robert Mugabe forseta.

Tswangirai sagði: -Ef þú hefðir komið til Zimbabwe á síðasta ári þá hefðir þú séð miklu fleiri mannréttindabrot en í dag. Nú getur fólk lifað í friði.

Forsætisráðherrann viðurkenndi að enn væri langt í land með að allt væri í lagi, en hann væri sannfærður um að ástandið héldi áfram að batna.

Tswangirai fékk sjálfur að kynnast opinberu ofbeldi meðan hann var í stjórnarandstöðu í Zimbabwe.

Eitt sinn var honum misþyrmt svo hrottalega að varla var hægt að þekkja andlit hans.