Samdi fyrir Bolton

Söngkonan Lady Gaga hafði mjög gaman af því að semja lag fyrir Michael Bolton á nýjustu plötu hans.

„Ég elska Michael Bolton og hef alltaf gert. Ég leit á þetta sem spennandi tækifæri," sagði Gaga. „Það var gaman að fá að vinna með eins vönduðum tónlistarmanni og Michael og semja ballöðu. Það var spennandi að gera eitthvað sem ég er góð í en fæ ekki tækifæri til að sýna oft."

Gaga er um þessar mundir að taka upp ný lög sem verða á plötunni The Fame: Monster, sem er endurútgáfa af fyrstu plötu hennar The Fame.