Heimir: Mun aldrei segja okkur örugga fyrr en tölfræðin segir það

„Strákarnir eiga ekkert annað en hrós skilið. Við erum að spila með mjög ungt lið, 5 stráka sem eru í 2. flokk ennþá, Þórarinn Ingi, Christopher Clements, Ajay Smith, Eiður Aron og Viðar Örn. Svo erum við með stráka sem voru að koma upp úr 2. flokki í fyrra, Gauti Þorvarðar, Eigill Jóhannesson og Arnór Eyvar," sagði Heimir Hallgrímsson þjálfari ÍBV eftir 1-0 sigur liðsins í hávaðaroki á Hásteinsvelli í Vestmannaeyjum.

„Aðstæðurnar náttúrulega gríðarlega erfiðar en ég var mjög sáttur að geta byrjað með vindin í bakið, erum ekki búnir að spila í 3 vikur og á undan því ekkert fyrr en fyrir þjóðhátíð þannig að ég vissi að við myndum vera ryðgaðir fyrst og gott að byrja undan vindinum.

Annars erum við góðir að spila á móti vindi og sýndum það. Eins og ég sagði við Gaupa áðan að þetta er kannski kosturinn við að eiga ekki knattspyrnuhús, við æfum úti við allar aðstæður, flestir sem ættu knattspyrnuhús myndu æfa inni svo svona aðstæður," segir Heimir.

Þrátt fyrir ákjósanlega stöðu ÍBV í botnbaráttunni eftir sigurinn í kvöld er Heimir ekki tilbúinn að fagna strax.

„Ég var nú að spila hérna í eyjum og man eftir því þegar við sluppum ævintýranlega þannig að ég mun aldrei segja að við séum öruggir fyrr en tölfræðin segir það. Við lögðum upp með að bæði þessi leikur við Þróttarana og Fjölni nú síðast væru úrslitaleikir fyrir okkur og við gerðum vel með að vinna þá leiki því við eigum eftir erfiða útileiki á móti KR, FH og Keflavík."