Andri Ólafs.: Svekkjandi að fá ekkert víti

„Eins og við byrjuðum leikinn þá er ég svekktur að hafa ekki klárað leikinn. Þá hefðum við átt að setja annað mark á þá og jafnvel fá víti líka," sagði Andri Ólafsson, fyrirliði ÍBV, eftir leikinn gegn Grindavík í kvöld.

„Við hleypum þeim síðan inn í leikinn í lok fyrri hálfleiks og gefum þeim ódýrt mark sem var algjör óþarfi og afar svekkjandi.

„Þó svo við hefðum stýrt umferðinni svolítið þá náðum við ekki að koma okkur í þau dauðafæri sem við vildum," sagði Andri sem fékk dæmt á sig vafasamt víti í síðasta leik. Nú vildu Eyjamenn í þrígang fá víti en fengu ekkert.

„Það hefði í það minnsta verið fínt að fá eitt en við vildum þrjú. Stigið í dag hjálpar okkur samt."