Innlent

27 þingmenn hafa upplýst um hagsmunatengsl sín

Magnús Már Guðmundsson skrifar
Mynd/Vilhelm Gunnarsson
27 af 63 þingmönnum hafa upplýst um fjárhagslega hagsmuni sína og trúnaðarstörf utan þings. Þar á meðal eru allir þingmenn Framsóknarflokksins og fimm ráðherrar.

Fjármál stjórnmálaflokka, einstakra stjórnmálamanna og hagsmunatengsl hafa lengi verið mikið til umræðu. Forsætisnefnd Alþingis samþykkti í mars reglur, sem unnar eru að danskri og norskri fyrirmynd, um skráningu á fjárhagslegum hagsmunum alþingismanna og trúnaðarstörfum þeirra utan þings. Þær ná ekki til maka þingmanna.

Reglurnar tóku gildi 1. maí en þingmenn ákveða sjálfir hvort þeir upplýsi um hagsmuni sína. Hægt er að nálgast upplýsingarnar á vef Alþingis.

Allir níu þingmenn Framsóknarflokksins hafa skráð hagsmuni sína. Þá hafa átta þingmenn Samfylkingarinnar upplýst um hagsmunatengsl sín, fjórir þingmenn Sjálfstæðisflokks og Vinstri grænna og tveir þingmenn Borgarahreyfingarinnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×