Víða hálka og hálkublettir

Hálka og hálkublettir eru um land allt. Í tilkynningu frá Vegagerðinni kemur fram að hálka er á Hellisheiði og í Þrengslum en hálkublettir á Sandskeiði og frá Hveragerði að Selfossi. Snjóþekja er á milli Selfoss og Hvolsvallar. Hálka er víða í uppsveitum. Á Austurlandi er hálka, hálkublettir eða snjóþekja. Ófært og óveður er á Vatnskarð eystra.

Á Vestfjörðum og Vesturlandi er víða hálka eða hálkublettir. Hálka er á Holtavörðuheiði.

Éljagangur er í Eyjafirði. Hálka er á Öxnadalsheiði og þá er hálka og éljagangur á Mývatnsöræfum.