Skólastjórar meðvitaðir um erfitt ástand

Eflaust verður skólafólk vart við það að það eru erfiðleikar hjá sumum fjölskyldum, segir Kristinn Breiðfjörð Guðmundsson, formaður Skólastjórafélags Íslands og skólastjóri Foldaskóla. Vísir greindi frá því í gær að prestar hefðu fengið símtöl frá fólki sem ætti erfitt með að láta börnin sín byrja í skóla í haust vegna ýmiss kostnaðar sem fylgir, svo sem vegna ritfanga. Kristinn segist hafa fylgst með umræðunni í fjölmiðlum um málið í gær. Skólastjórar hafi verið meðvitaðir um að hart væri í ári og hagað málum eftir því.

„Auðvitað vissum við hvað var að gerast í samfélaginu og ég geri ráð fyrir að skólastjórar hafi beðið kennara um að gæta hófs í þessum," segir Kristinn. Hann segist telja að almennt í skólum sé reynt að gæta hófst þegar nemendur eru beðnir um að kaupa inn fyrir skólann. „Grunnskólinn er gjaldfrjáls nema það sem snýr að persónulegum munum. Auðvitað þurfa menn að gæta að því að vera ekki að setja inn á þessa lista vörur sem eru að einhverju leyti sameiginlegar," segir Kristinn. Hann segist ekki vita til þess að kennarar hafi sett slíkar sameiginlegar vörur inn á listana.