Ragnar SF með aflamet

Hraðfiskibáturinn Ragnar SF frá Hornafirði setti aflamet smábáta í nýliðnum ágústmánuði, þegar hann veiddi rösklega tvö hundruð tonn í rúmlega tuttugu róðrum frá Seyðisfirði. Fyrra met hraðfiskibáts er 185 tonn á einum mánuði. Þetta eru rúmlega 50 tonn á hvern mann í áhöfninni á Ragnari SF, en þeir eru aðeins fjórir og er aflinn að mestu þorskur, þannig að hásetahluturinn er ævintýralegur. Báurinn rær með línu og er beitningarvél um borð þannig að engir menn í landi standa að baki aflans.