Beygjuljós á mótum Kringlumýrarbrautar og Borgartúns

Beygjuljósum verður komið fyrir á gatnamótum Kringlumýrarbrautar og Borgartúns, akreinum fjölgað og sérstök vinstribeygjuakrein verður fyrir strætó af Kringlumýrarbraut inn í Borgartún. Þá verður bætt við hægribeygjuakrein frá Kringlumýrarbraut inn á Sæbraut og verður hún með umferðarljósum.

Samkvæmt vef Reykjavíkurborgar er þetta gert til að greiða fyrir umferð og auka öryggi.

Af þessum sökum verður þeim kafla Borgartúns sem liggur austan Kringlumýrarbrautar og að Laugarnesvegi lokað frá klukkan 20 í kvöld, og varir lokunin um sex vikur.

Kostnaður framkvæmdarinnar er áætlaður um 85 milljónir króna.