Víða ófært vegna óveðurs

Ófært er um Hellisheiði, Bröttubrekku og Víkurskarð vegna veðurs. Þá er óveður á Reykjanesbraut, Kjalarnesi og undir Hafnarfjalli, að fram kemur í tilkynningu frá Vegagerðinni.

Á Vesturlandi er mokstur hafin á norðanverðu Snæfellsnesi og veður mikið að ganga niður. Ófært er í Dölum og í Reykhólasveit stórhríð og ekkert ferðaveður.

Á Vestfjörðum er ófært um Hálfdán og Mikladal stórhríð og ekkert ferðaveður. Ófært er um Klettsháls. Þungfært í Ísafjarðardjúpi og ófært á Steingrímsfjarðarheiði.

Snjóþekja og þæfingur og mokstur stendur yfir á Norðurlandi vestra.

Á Norðausturlandi er ófært um Víkurskarði, þungfært um Tjörnes og fyrir Melrakkasléttu. Þungfært um Brekknaheiði og á Mývatnsöræfum. Stórhríð og lítið ferðaveður. Snjóþekja og þæfingur á öðrum leiðum.

Á Austurlandi er þungfært um Fjarðarheiði og Möðrudalsöræfi en mokstur stendur yfir. Snjóþekja er á öðrum leiðum og verið er að hreinsa vegi.

Á Suðausturlandi eru vegir víðast hvar auðir, einhver krapi á vegum austan Skaftafell.

Hálkublettir eru á Suðurlandi.