Húsleit hjá fíkniefnasala á Akureyri

Lögreglan á Akureyri hafði í gærkvöldi afskipti af manni á þrítugsaldri þar sem grunsemdir höfðu vaknað um að hann seldi fíkniefni. Við leit á manninum fundust tæp 10 grömm af kannabisefnum, sem pakkað hafði verið niður í sölueiningar.

Í kjölfarið var ferð húsleit á heimili mannsins og var kærasta hans handtekin þar. Við leit á heimilinu fundust um 100 grömm af kannabisefnum til viðbótar og viðurkenndi maðurinn að hafa ætlað hluta þeirra til sölu.

Fólkinu var sleppt að loknum skýrslutökum og telst málið upplýst.