Lengja opnunar­tíma í Salalaug

Þetta segir í tilkynningu á vef Kópavogsbæjar. Breytingin lengir opnunartíma Salarlaugar um tvær klukkustundir á sunnudögum en með núverandi fyrirkomulagi er laugin opin til átta um helgar. 

Breytingin sé í samræmi við ákvörðun bæjarins um að bregðast við aukinni eftirspurn eftir lengri opnun sundlauga og auka þjónustu við íbúa með tilraunaverkefni í sumar. 

„Við erum að svara ákalli bæjarbúa um að lengja opnunartíma sundlauga um helgar. Við byrjum á annarri sundlauginni til að byrja með þar sem hér er um tilraunaverkefni að ræða í sumar. Þá er verið að skipuleggja miðnæturopnun í Kópavogslaug í ágúst. Ef vel tekst til þá að sjálfsögðu stefnum við að því að hafa lengri helgaropnun í báðum sundlaugum. Við lítum sem svo á að með þessu séum við að styðja lýðheilsu bæjarbúa og auka aðgengi að okkar frábæru sundlaugum,“ er haft eftir Ásdísi Kristjánsdóttur, bæjarstjóra Kópavogs, í tilkynningunni.