Logi Ólafsson: Þróttur verður auðveld bráð fyrir FH

KR heldur enn í smá von um að stela Íslandsmeistaratitlinum af FH eftir góðan 3-1 sigur á Fram í Vesturbænum í kvöld. Logi Ólafsson, þjálfari KR, gerir þó ekki ráð fyrir því að FH muni misstíga sig gegn Þrótti á morgun.

„Ég get ekki sagt að ég hafi mikla trú á Þrótti gegn FH. Ég held að Þróttarar verði auðveld bráð fyrir FH," sagði Logi og bætti við að KR hugsaði fyrst og fremst um sína leiki en ekki leiki andstæðinganna.

Leikur KR í kvöld var eins og svart og hvítt. Slakir í fyrri en mjög góðir í seinni hálfleik. Þetta var ekki í fyrsta skipti sem slíkt gerist í sumar.

„Við höfum verið daufir í fyrri hálfleik í síðustu þremur leikjum en menn rífa sig gjarnan upp. Þá kemur styrkur okkar í ljós og ég held að menn hafi sýnt það í seinni hálfleik í dag að ef menn eru rétt stemmdir og tilbúnir að leggja á sig varnarvinnu þá gengur okkur líka betur í sókninni.