Sarkozy auglýsti þvottaduft 12 ára

Komið hefur í ljós að Nicolas Sarkozy Frakklandsforseti lék í auglýsingu fyrir þvottaduft árið 1967, þá 12 ára gamall. Auglýsingin var fyrir verslunarkeðjuna Bonux og var dökkt hár forsetans verðandi litað ljóst fyrir myndatökuna. Faðir Sarkozys starfaði sem grafískur hönnuður hjá Bonux á þessum tíma og útvegaði syni sínum fyrirsætustarfið. Þar með hefur það verið leitt í ljós að frönsku forsetahjónin eiga sér bæði fortíð í fyrirsætubransanum. Á Vísi má sjá mynd af Sarkozy og þvottaduftinu.