Kókaín og sterar í húsleit á Akureyri

Í gærmorgun framkvæmdi lögreglan á Akureyri húsleit í íbúð hjá karlmanni á fimmtugsaldri og fundust þar um 15 grömm af kókaíni og lítilræði af sterum. Manninum var sleppt og lokinni yfirheyrslu og telst málið upplýst. Einn karlmaður á þrítugsaldri sem var gestkomandi í íbúðinni reyndist svo hafa einn neysluskammt af fíkniefnum á sér.

Í gærdag fannst síðan pakkning með um 100 grömmum af ætluðum fíkniefnum við þjóðveginn í nágrenni Akureyrar. Enginn eigandi hefur gefið sig fram.

Þetta kemur fram í tilkynningu frá lögreglunni á Akureyri sem minnir á fíkniefnasímann 800 5005 þar sem koma má á framfæri upplýsingum um fíkniefnamál.