Sjálfstæðismenn gagnrýna Seðlabankafrumvarp

Faglegur undirbúningur og víðtækt pólitískt samráð skortir í tengslum við fyrirhugaðar breytingar á yfirstjórn Seðlabankans og er nú til meðferðar á Alþingi, að mati Birgis Ármanssonar þingmanns Sjálfstæðisflokksins. Sjálfstæðimenn gagnrýndu harðlega Seðlabankafrumvarp ríkisstjórnarinnar á þingi í dag.

Sautján þingmenn eru nú á málendaskrá, þar af sex sjálfstæðismenn. Auk Birgis hafa Þorgerður Katrín Gunnarsdóttir og Pétur Blöndal nú þegar tekið til máls.

Birgir sagði að það væri ekki tilviljun að vandað hafi verið til verka undanfarin ár þegar lögum um bankann hafi verið breytt. Birgir sagði stjórnsýslu Jóhönnu Sigurðardóttur, forsætisráðherra, dæmalausa og óvandaða. Um handarbakavinnubrögð væri að ræða.

Þá fullyrti Birgir að sjálfstæðismann hafi í kjölfar bankahrunsins í haust lýst sig reiðubúna til að fara yfir og endurskoða málefni Seðlabankans og annarra fjármálastofnanna. „En við krefjumst þess að það verði gert faglega en ekki í einhverju óðagoti."

Björgvin G. Sigurðsson, þingmaður Samfylkingarinnar, talaði um nauðsyn þess að byggja upp traust á fjármálastofnunum landsins og spurði Birgi hvað tillögur hann leggi til í stað þess að tefja framgang frumvarpsins.