Spurði Jóhönnu um meint sinnaskipti varðandi seðlabankastjóra

Þorgerður Katrín Gunnarsdóttir, starfandi formaður Sjálfstæðisflokksins, spurði Jóhönnu Sigurðardóttur, forsætisráðherra, á Alþingi í dag hvað hefði breyst frá því Jóhanna lýsti þeirri skoðun sinni í þingræðu fyrir 10 árum að það væri tímaskekkja að forsætisráðherra skipaði seðlabankastjóra og að bankaráð ætti þess í stað að ráða í stöðurnar.

Jóhanna sagði að með frumvarpinu sé verið að innleiða nýja stefnu með því að auglýsa embættið og um leiða gera hæfniskröfur til seðlabankastjóra líkt og í öðrum löndum þar sem faglega er staðið að málum. Það sé aðalmálið.

Í frumvarpinu er gert ráð fyrir að seðlabankastjóri skuli hafa lokið meistaraprófi í hagfræði og búa yfir víðtækri reynslu og þekkingu á peningamálum.