Seðlabankafrumvarp tekið til umræðu

Frumvarp ríkisstjórnarinnar um breytingar á Seðlabankanum verður tekið til fyrstu umræðu þegar Alþingi kemur saman klukkan hálfellefu í dag. Áður verð störf þingsins til umræðu.

Frumvarpinu er ætlað að tryggja endurreisn á trausti á Seðlabankanum og þeirri peningastefnu sem hann fylgir. Í stað þriggja seðlabankastjóra verður einn skipaður að undangenginni auglýsingu. Að auki verður skipuð fimm manna peningastefnunefnd sem tekur allar ákvarðanir um beitingu stjórnartækja bankans.

Jóhanna Sigurðardóttir, forsætisráðherra, skrifaði bankastjórunum bréf fyrr í vikunni og óskaði eftir því að þeir létu af störfum í bankanum. Bankastjórarnir hafa ekki enn svarað bréfinu.

Davíð Oddsson var London á vegum bankans en kom til landsins í gær.