Óli Stefán: Þá langaði meira í sigurinn

Óli Stefán Flóventsson var allt annað en upplitsdjarfur eftir ósigur Grindavíkur gegn Fram í kvöld.

"Það gerist ekki öllu sárara, það er skelfilegt að fá ekkert út úr þessu," sagði Óli Stefán eftir leikinn.

"Við komum ágætlega inn í seinni hálfleik og skorum 3-1 en svo hleypum við þeim inn þetta. Við gefum þeim of mikinn tíma á boltann og þeir taka stjórnina á leiknum. Fram hefur sýnt mikinn karakter og þeir sýndu það enn í kvöld og kláruðu okkur."

"Það að Fram hefur verið að koma til baka í síðustu leikjum hafði engin andleg áhrif á okkur. Við fengum ótrúleg tækifæri að komst í 4-1 eða 5-1 jafnvel. En við nýttum það ekki og þeir skora og þá snérist þetta um að halda þriðja markinu en svo jafna þeir og þá er þetta farið að snúast um að halda stiginu og einhvern vegin duttum við á rassgatið og Fram gerði vel að klára stiginn í kvöld."

"Við fengum dauðafæri til að komast í 4-3 en þeir koma upp og klára. Svona er fótboltinn. Þá langaði þetta greinilega meira," sagði Óli Stefán áður en hann hélt niðurlútur til sturtu.