Iðnaðarráðherra vill endurskoða framsal á auðlindum

Iðnaðarráðherra telur að endurskoða þurfi samning Reykjanesbæjar og HS orku um framsal á auðlindum til sextíu og fimm ára.

Hart er deilt um framsal á nýtingu auðlinda til 65 ára; en Reykjanesbær framseldi hann til HS orku, sem er að meirihluta í einkaeigu.

Katrín Júlíusdóttir, iðnaðarráðherra, minnir á tilvist nefndar sem mótar stefnu um auðlindir í eigu ríkisins. Þar sé meðal annars litið á hámarkstíma auðlindaleigu sem fram komi í lögum.

Hún telur að taka þurfi tillit þeirra stefnu og hefur komið þeim skilaboðum til þeirra sem að málinu koma.