Ferguson: Kuszczak var bara að grínast

Knattspyrnustjórinn Sir Alex Ferguson hjá Manchester United hefur ítrekað að ekkert ósætti sé á milli markvarðanna Tomasz Kuszczak og Edwin Van der Sar en Kuszczak lét hafa eftir sér í viðtali við MUTV að Van der Sar væri tregur til að veita sér ráðleggingar og hjálpa sér.

Ferguson segir að Pólverjinn hafa bara verið að grínast.

„Það er ekki rétt að Tomasz og Edwin komi eitthvað illa saman. Hann var bara að grínast þegar hann sagði það sem hann sagði og það sást alveg að hann var brosandi. Kannski kemst pólskur húmor illa til skila þegar hann er fluttur á ensku," sagði Ferguson á léttum nótum.