Konur á rauðum sokkum hlaut Einarinn á Skjaldborg

Það ríkti góð stemning á Patreksfirði um hvítasunnuhelgina þar sem hátíð íslenskra heimildarmynda, Skjaldborg, fór fram í þriðja sinn.

Um þrjátíu heimildarmyndir voru sýndar á kvikmyndahátíðinni, bæði örstuttar og í fullri lengd, en á Skjaldborg er lagt upp með að sýna heimildarmyndir sem öðruvísi kæmu ekki fyrir augu almennings.

Myndin Konur á rauðum sokkum eftir Höllu Kristínu Einarsdóttur hlaut Einarinn, áhorfendaverðlaun Skjaldborgar 2009, en í myndinni er saga einnar umdeildustu og litríkustu hreyfingar Íslandssögunnar sögð.

Hér fyrir neðan má sjá sýnishorn úr sigurmyndinni, Konur á rauðum sokkum.