Ólafur Ragnar: Þýski blaðamaðurinn dregur upp villandi mynd

Ólafur Ragnar Grímsson segir að blaðamaður þýsku útgáfunnar af Financial Times hafi dregið upp mjög villandi frásögn af löngu samtali sem hann átti við forsetann á Bessastöðum. Haft er eftir Ólafi í blaðinu að Ísland eigi ekki að greiða þeim sem töpuðu á innlánum Kaupþings í Þýskalandi og hafa ummælin vakið töluverða athygli í Þýskalandi.

Ólafur segir í samtali við fréttastofu að hann hafi sagt blaðamanninum að Íslendingar hefðu ríkan vilja til þess að standa að málum á þann hátt að reynt verði að uppfylla að fullu skuldbindingar í öðrum löndum.

Ólafur segist einnig hafa sagt að þýskur almenningur verði að hafa á því skilning að þúsundir Íslendinga hafi orðið fyrir gríðarlegu tapu í kjölfar hruns bankanna. Þessvegna væri það röng mynd sem stundum væri dregin upp víða í Evrópu að það væri ætlun Íslendinga að hafa allt sitt á þurru á meðan aðrir ættu að taka á sig tapið.