Davíð Þór til reynslu hjá Norrköping

Davíð Þór Viðarsson er nú til reynslu hjá sænska B-deildarfélaginu Norrköping.

Alls er félagið með níu leikmenn til reynslu þessa stundina en Davíð Þór er nýkominn frá Danmörku þar sem hann æfði með Álaborg.

Tímabilinu í sænsku B-deildinni lauk um síðustu helgi og slapp Norrköping naumlega við fall en liðið var aðeins fjórum stigum frá fallsæti. Norrköping féll úr sænsku úrvalsdeildinni síðastliðið haust.

Gunnar Þór Gunnarsson er á mála hjá félaginu og Stefán Þór Þórðarson lék með því síðari hluta tímabilsins.