Lundastofninn kominn að fótum fram

Útlit með afkomu lundastofnsins í Vestmannaeyjum er jafnvel verra nú en í fyrra og virðist afkomubrestur blasa við enn eitt árið í röð. Lítið sem ekkert hefur verið um að lundapysjur, eða ungar lundanna, fljúgi niður í bæinn og verði þar bjargarlausar þar til börn og unglingar bjarga þeim, eins og verið hefur iðja krakkanna um þetta leyti. Talið er að aðeins þrjú þúsund lundar hafi verið veiddir í eyjunum í sumar, en í venjulegu árferði voru um og yfir hundrað þúsund lundar veiddir án þess að nokkuð sæi á stofninum.