Rukkað inn í grasagarð í Edinborg vegna Kaupthings

Gestir The Royal Botanic Garden í Edinborg gætu þurft að greiða 4 punda aðgöngugjald í garðinn vegna falls íslensku bankanna. Garðurinn á í fjárhagslegum erfiðleikum en hann átti 1,09 milljón pund í Kaupthing Singer & Friedlander sem fór í greiðslustöðvun í október síðast liðnum. Þetta kemur fram í skoskum fjölmiðlum í dag.

Í skýrslu til skrifstofu skosku ríkisstjórnarinnar sem sér um fjármuni garðsins, er lagt til að rukkað verði inn í fyrsta skipti í sögu garðsins til þess að vinna upp á móti tapinu.

Líklegt er að þessi ákvörðun verði ekki vinsæl hjá þeim fjölmörgu sem vanalega nóta sólríkra sunnudaga í garðinum.

Í fréttinni segir að skiptastjóri bankans hafi tilkynnti að að bankinn muni greiða 20p fyrir hvert pund og telja menn að garðurinn muni fá um helming peninga sinna endurgreiddan.