Lést úr krabbameini sem fannst ekki við átta skoðanir

Tuttugu og sex ára gömul kona í Luton á Englandi lést úr leghálskrabbameini í ágúst 2007 eftir að heimilislækni hennar tókst ekki að finna nein einkenni um sjúkdóminn í átta skoðunum sem hann framkvæmdi á konunni á fjögurra ára tímabili. Eftir að hún skipti um heimilislækni greindi nýi læknirinn hana þegar réttilega með krabbamein en það hafði þá þegar dreift sér í nokkur önnur líffæri og lést konan nokkrum mánuðum eftir að meðferð hófst. Breska læknaráðið hefur síðan haft málið til meðferðar og mun nú innan skamms kveða upp úrskurð um það hvort fyrri lækninum verði heimilt að starfa áfram en yfirsjón hans telst vítaverð að mati ráðsins.