Þorsteinn: Margt jákvætt

Þorsteinn Halldórsson, þjálfari Þróttar, sagði margt jákvætt við leik sinna manna gegn FH í kvöld.

Liðið heldur í veika von um að halda sæti sínu í deildinni. Þróttur er nú níu stigum frá fallsæti þegar níu stig eru enn í pottinum. Þar að auki er liðið með talsvert lakara markahlutfall en bæði Grindavík og ÍBV sem eru í 9. og 10. sæti deildarinnar.

„Við hefðum auðvitað viljað skora," sagði Þorsteinn en Þróttarar ógnuðu marki FH nokkrum sinnum í síðari hálfleik. „Við áttum skot í stöng og Daði varði vel. Við vorum ekki nógu duglegir að fylgja þessum færum eftir og hefðum átt að gera það betur."

„En menn lögðu sig fram og margt jákvætt við okkar leik. Við vorum að spila á móti besta liði á Íslandi og eftir fyrstu tíu mínúturnar fannst mér við ekki lenda í miklum vandræðum á móti þeim."

„En ég hefði viljað halda boltanum betur þegar við sóttum. Við töpuðum honum þá helst til of fljótt."