Óli Stefán: Gott fyrir gamlan mann að komast í frí

„Það er vægt til orða tekið að segja að við höfum verið þreyttir í þessum leik. Það voru allir mjög þungir og leikur okkar þunglamalegir. Við vorum líka lengi í gang," sagði Óli Stefán Flóventsson Grindvíkingur eftir jafnteflið gegn ÍBV í kvöld.

„Mér fannst síðari hálfleikurinn skömminni skárri en það var erfitt að sjá að við værum að berjast af viti. Engu að síður fengum við færi til þess að klára leikinn," sagði Óli Stefán sem er feginn að komast í smá frí.

„Það er afar ljúft að komast núna í frí og sérstaklega fyrir svona gamlan mann eins og mig," sagði Óli Stefán og glotti við tönn.