Högni með nýja plötu

Færeyski tónlistarmaðurinn Högni Lisberg hefur gefið út plötuna Haré! Haré!. Platan hefur fengið mikið lof í færeyskum og dönskum fjölmiðlum og þykir hann hafa fundið sinn tón með þessari þriðju plötu sinni.

Í tilefni af útgáfunni heldur Högni tvenna tónleika hérlendis um helgina. Fyrst spilar hann á Grand Rokk á föstudagskvöld ásamt hljómsveitinni Ég og á sunnudagskvöld spilar hann á Sódómu Reykjavík. Miðaverð á tónleikana er 1.000 krónur. Nánari upplýsingar um Högna má finna á Myspace.com/hognilisberg eða á Hogni.com.