Forstjóri Landhelgisgæslunnar: Þarf að skera niður um 300 milljónir

Landhelgisgæslan íhugar að reka aðeins tvær björgunarþyrlur í stað þriggja í sparnaðarskyni. Miklar gengisbreytingar hafa farið verst með rekstur gæslunnar og þarf að skera niður um 300 milljónir króna á næsta ári. Forstjóri gæslunnar segir ennþá ekkert ákveðið en fækkun þyrla yrði einn af síðustu kostum öryggisins vegna.

Miklar gengisbreytingar hafa farið verst með um rekstur landhelgisgæslunnar þar sem mikil útgjöld hennar eru í erlendri mynt vegna leigusamninga við erlenda samstarfsaðila.

Embættið þarf að spara um 10% af rekstrinum eða um 300 milljónir króna á næsta ári. Georg Lárusson forstjóri Landhelgisgæslunnar segir að sú upphæð gæti ef til vill orðið hærri vegna gengisbreytinga. Verið sé að kanna hvar hægt sé að skera niður og draga úr starfsemi. Fækkun björgunarþyrla komi til greina.

Þyrlur Landhelgisgæslunnar eru notaðar jafnt til öryggis- og löggæslu og í leitar- og björgunarflug. Gæslan á eina þyrlu sem kallast TF-LÍF og svo leigir hún tvær til viðbótar. Önnur þeirra er sömu tegundar og TF-LÍF en TF-Eir sem hefur verið notuð í tæp þrjú ár er örlítið minni. Georg segir slæmt að þurfa fækka þyrlum öryggisins vegna en það yrði engu að síður allra síðasti kostur í stöðunni.