Sorpa styrkir ýmis samtök

Sorpa bs. varði tíu milljónum til góðgerðamála í gær. „Hjálpum fólki til sjálfshjálpar“ var yfirskrift styrkjanna, en með þeim var leitast við að styðja efnaminni börn og ungmenni.

Félag lesblindra var styrkt til útgáfu og Jerico til að vinna gegn einelti í skólum. Hugarafl til geðfræðslu, ásamt Framtíðarsjóði Hjálparstarfs kirkjunnar fengu einnig styrki.

Þá fékk Rauða kross-húsið, Hringsjá-lesgreining og Starfsmenntasjóður bandalags kvenna styrki. Heilsuhýsi á hjólum, Eyjaslóð og Konukot nutu einnig góðs af. - kóþ