Carsley: Vítaspyrnudómurinn var dómaraskandall

Miðjumaðurinn Lee Carsley hjá Birmingham var gríðarlega ósáttur eftir 2-2 jafntefli Birmingham gegn Liverpool í ensku úrvalsdeildinni á Anfield-leikvanginum í kvöld.

Ástæða óánægju Carsley var vítaspyrnudómurinn sem leiddi af sér jöfnunarmark Liverpool í leiknum en harðjaxlinn ásakar framherjann David Ngog hjá Liverpool um leikaraskap og gagnrýnir dómara leiksins fyrir að hafa fallið fyrir honum.

„Vítaspyrnudómurinn var algjör dómaraskandall og ég held að það verði vandræðalegt fyrir dómarann að horfa á atriðið endursýnt í sjónvarpi. Ég er handviss um að ég kom aldrei nálægt Ngog og það varð engin snerting. Ngog ætti að skammast mín og ef ég væri í hans sporum þá myndi ég varla þora að mæta fjölskyldu minni útaf skömm.

Fyrst að þetta gekk samt upp hjá honum þá er ég viss um að hann fái bara klapp á bakið frá öllum og það er svekkjandi," segir Carsley.