Missti átta fingur í listaskóla

Listaskóli nokkur í bresku borginni Boston í Lincolnskíri þarf heldur betur að endurskoða kennsluaðferðir sínar eftir að 16 ára gömul stúlka missti átta fingur við gerð gipslistaverks sem hún festi hendurnar í en listaverkið hitnaði í framhaldinu upp í 60 gráður. Óhappið átti sér stað í janúar árið 2007 og hefur dómstóll nú komist að þeirri niðurstöðu að skólanum beri að greiða nemanda sínum tæp 20.000 pund í skaðabætur auk málskostnaðar. Þá vítti dómari skólastjórnendur sérstaklega fyrir að tilkynna vinnueftirlitsmönnum ekki um slysið.